Nafyahay ha fududaan
Fadalkana ha dheerayn
Hana furanin dabarkiyo
Fakashada gar kaa xidha
Falaadh qaanso iyo leeb
Intay kala firdhanayaan
Kama foga wadkaaguye
Yuu ku qaadin fooruhu

Faralbaa ku saarane
U dhig fooda rabigaa
Waa qaan fariintuye
Fuli amaro waawayn

Hadaad fiiro dheertoo
Fal hortii ogaal tahay
Haku faanin garashiyo
Aqoon iyo fariidnimo
Yaan lagu faquuqine
Wax lagaaga fiigoo
Dhigaa kaa fogeeyiyo
Fatooshtaadu yay badan

Hadaad fiicni leedahay
Filkaa qaayo dheer tahay
Ogobeey fagaaraha
Haw fuulin waligaa
Faahfaahintaadiyo
Faalaynta aadmiga

Hadaad faayo mudatoo
Fahmadaadu roon tahay
Imisaa fogaadoo
Fad shisheeya kaa jira
Imisaa facaagaa
Farsamiyo ku dheer xeel
Foolaad maxaa jira
Dadkoon filashadii hayn
Fallagiyo daruurtiyo
Fooraha yaqaanoo
Filan-waa abaareed
Halka cirir ku fooraro
Aqoon kaga furdaamiya
Imisaa farshaxanoo
Fanaanimo ku caanoo
Dadku faaqideenoo
Falaad yaable dhigi jiray

Foojignaanta aarka le
Halka uu fadhiistaa
Fiidkana sakaaradu
Jeenyaha ku fidisaa
Atoor fule ahaan jiray
Sida wiil ha foofoo
Haw fiiqdo geeskee
Fanto haw cumaamadan

Qabkoo faras ku saaraa
Foolxumaanta keenee
Isla-wayni haw fidhan
Hays gayn fiktaa sare
Noqo ruux faraawila
Iyo firiga beenyada
Falki guulahaagoo
Fiddo baxa kolkay tahay
Fano buuro dheedheer
Marka uu falaagee
Asaagaa fadhiid yahay
Fooradaada dhaantee
Haka foolin garashada
Wax fanteeya hibashada
Ceeb lama fan-saartee
Ha daardaarin fiixaha

Aroor faano guratoo
Ragu foof u soo baxay
Hadii faras magaalaha
Kor waxaad u fiiqdaa
Fijaankaaga buuxiyo
Faraj kuu qornaabaa
Fah lagaaga siiyee
Firfircooni Hays bidin
Ha fatihin sidii wabi
Hana shidanin fooxee
Rabaa igu filnaafiyo
Faataxada ogsoonaw

Faro laacay dufanbaa
Duuga feedh qaloocdee
Faranka iyo beesadu
Waa fandhaalka buuxee
Feedh yahan adoon noqon
Faakihaysanaayoo
La garaada fuudkiyo
Faxa ubadka loo shubo
Dadka hoos u fiiriyoo
Faxalnimo ku dheeraw
Hana noqon faduuliga
Fuqa sare u taagee
Xan ku feenta aadmiga

Wixii fudud dabayshiyo
Fooruhu ha qaadee
Falfaliidhka maalmuhu
Faynuuskaaga yay damin
Waa fulkaano waayuhu
Intuu furay albaabada
Hadba soo fatahayee
Ku ful samir badnaaniyo
Caku laab fayoobaan!!!!!

Galad weeye hal abuurku aan ruuxna goynkarine
gunno weeye dheeraadahoo guule bixiyaaye
gargaar iyo tacliin laguma helo oo lagadiwaaye

Hadii aad gabyaa tahay hibada lagu gudoonsiiyay
gasiin xeeladee kuma cawniyo eray guhaadeede
waa risaalo gaariyo xisaab gudasho doonaysa

Hadaad gole kafuul tahay murtida aan ugodol qaadin
asii gumuca kaadhacahayaa gubayo raaskaaga
oo ad godob kusoofayso iyo Shar iyo guubaabo
gal faylkaagu aakhoro fartuu kugu godaayaa

afartaas miday garanayaan gumuradeediidhe
waajib gurada igasaaran iyo gacaladaydiidheh
giraantiyo ujeedada dhabta a Gogol dhigeedii dheh

gobanimada an haysaniyo guusha calankeenu.
giblo Laguma keenine naftaa loogabaanadaye.
geesiyaal isbiimeeyaybaa ruuxda noogadaye
gaws libaax ayay uguriteen gacanta maandeeqe

gumaysiga hadaan lagujirabin Gama a inuudiido
gurmadkii dhaqaaqaba hadaan loogambiyin caynka
golwareenku meel dayanin iyo guura bahalayntu
godkiisana biyaha loogu galin ma ay garaabeen

wuxuu Kala gambaro oo iyaga gamas udhiibaaba
wuxuu guuto kala cayna iyo gaasas bixiyaaba
gogoldhaaf markay joogto iyo gorodda laalaadsha
gibirkii rag diidiyo wadani gayfanbaa kacay

kibirkiyo garwaaxiidsigii faranji gaaleedka wiilal aan galiilyoon janana goobayaa helay
inkastoy garnayliyo wateen biraha gaashaan
go aan iyo caqiidaa kufriga loogu goodiyay

seefo aan gidaadaynin Abid oo gunnimo diid ah
galaayuuska dhiilada watiyo gocasho doogeedka
gaadmo iyo bareeraba hadaan guluf lajoogtaynin
shuhadadii gadaashood xorriyad lama gudoeene

hadaan godanka soomaaliyeed haadku galawlaynin
reer galbeed garaadale hadaan galawda lootaaban
saraakiil lagawracay hadaan lagu dulgeeraarin
shuhadadii gadaashood xorriyad lama gudoomeen

markii uu galshada dhiig noqdee gumucu eeraamay
markii gacanta layskula tageey godatay maarreydi
giiryaale iyo gaalaraac hayska gaabsado e
hablo dahabki gadaybaa jiroo galay dagaalkiiye

sayidkii dartiis geeska bari gucumo aar yeeshay
inkastuu galaafoo Wax badan gonofka raacsiiyay
gandoobihii kow markii food lagalin waayay
diyaaradi garaacduu ahaa gogolka taariiqda

geeri sharafle dhimay shekh bashiir gunudna taariiqe
oomaarna kamagada yarayn goolna soodhaliye
geestiisa shekh xasan barsame guday xilkiisiiye
gurey waa ninkii xabashi baray gudurka ciiriine
godka waasac allahawgadhigo Gabi ahaantoode

gadaalbaan majeertaaarkaan guulkufaan rabo e
cankii markuu galay hawada laygawada giigay
sodon sano markii uu gilgilay dunida guudkeeda
sodon kale galgalkii kudhacay waa midaan gayine

halgamaaga geedkii kubaxay goboda dhiigiisa
halkii aan miraha soogo iyo guranlahayn miidda
kuwo gudin uhaystaa jiroon garasho dheerayne
hadaan gabal xaglaha uga fadhiyin ma ay gabnowdeen

goorba waa raggeedaa layiri galinba wiilkiisa
nimankii gabuunnada udhigay gaadadiyo foolka
gabanadii ay ruuxda uhuree gabe middoodiie
garhayeeno badanbaa kacoo lagu gabraartaaye

gayyi dahabka iyo dheankiyo gaasku wada jiifo
umad lagu galaday oo hadana Gooman baanahye
gacmo hoorsigiyo tuugsashadu galabsi weeyaane
somaalaay waxaa Kula gudboon geedigoo mida

issugibila wayney waqtigu waa is gurayaaye
God dhaw goorri iyo gawracbaa loogarnaqayaaye
gumaysiga dahsoon maalintaad garlahayd weeye
somaalaay waxaa Kula gudboon geedigoo mida

inta midiba gabi saaranyahay gaawaheed marane
gobol gobol intay tahay Kuraran gorofti cayreede
gilgishoo kakaca ceebta waa laga gidoodaaye

garabeeshin naadila midnimo iyo gar eexeede
gunti hood kasii baadishoyo gaar Wax ugu Jayne
musuqaasuq baa gabawariyo gurasho laaluushe
garsoor togan hadaan lagu salsalin geesahay dhigane

somaalaay waxaa Kula gudboon geedigoo mida

Dadkii saatir iga beerayoow samo, ku nooloow e
Sokeeyoow waxaan kuu wadaa, sooryo qaaliyahe
Waa saymihii roobka iyo, sagal arooryaade
Waa seer-ma-waydada cirkoo, galay sidkeediiye
Waa gugoon sagsaag yeelan iyo, dirir sagaaraade
Waa fadad dhibcaha saydhay oo, simay xareediiye
Waa kaymo saacliyo ugbaad, ubixi saarnaaye
Waa sixin udgoonkii leh iyo, subag laftiisiiye
Waa sararo geedaysan iyo, sumal lagiisiiye
Waa soobiroo days dhashiyo, sugul liskeediye
Waa dhay sibraar lagu shubiyo, caano saafiyahe
Waa sabo nabdoon oon lahayn, salaw colaadeede
Waa hadiyad aan kuu sidoo, siinna kuu huriye
Waa hadal intii saxarla een, cidi saluugayne
Hoos iyo saraan kuugu dhigi, sawdka maansada e
Sal u yeelo yuu kaaga dhicin, sud iyo haadaane

U jeedkayga waan saafayaa, sax iyo maankay e
Ummaduhu waxay suubsadaan, Kama siqoodaane
Sir iy caadba way jecelyihiin, mana sadheeyaane
Waa saancad duul wuxu lahaa, loo sasabayaaye
Sooyaalka dhaxalkeena iyo, seeska dhaqankeena,
Bulshadeena sumadeeda iyo, sooca dhaladkeena
Sumcaddiyo wanaageena iyo, suuban sharafteena
Baladkeena soomaali iyo, sabada ciiddeena
Xuquuqdeena soorkeeda iyo, wada sinnaanteena
Socodkiyo hayaankeena iyo, samirka guusheena
Saadaasha hiilkeena iyo, sahanka meesheena
Sunnihiyo kitaabkeena iyo, sahayda diinteena
Sarriigtiyo wax diidkeena iyo, xumo sifaynteena
Sugitaanka qarankeena iyo, nolol samaynteena
Sahashiga haddaan kaga tagnoo, saydhno wadarteenba
Jirrideenu way suuli oo, siidhku uu bi'iye
Sal halkaan ku leenahay, ayaan subax la sheegayne
Ceebaynu saaxiib la noqon, saban kastoo noole
Silic iyo shibaataynu mudan, saxal adduunyaade
Sadki uu illaah noo bushido, saamigaa lumiye
Ciil baa sadriga waayo iyo, saabka noo galiye
Caydh iyo sabool baynu noqon, soogan meelaha e
Soofdan habowgeena iyo, suudalkaa badane
Waa seef halbowlaha ku maqan, talo ku seegtaaye
Saakaba midday haysid baa laga sax keenaaye
Haddii kale mar ay siibatiyo, saa danbaad garane
Dadkaygoow wax suuree runtaan lagu safaadayne.

Bi,I waa qoraaloow
Magacaygu waa qaaf
Qawlkaygu waa weedh
Qiimahaygu waa basher
Qiasadaydu waa tii
Qumanaan ka leexnayd,
Qofnimada waxaan ahay
Qaaradani Afriik baan
Qar qarkeeda bariga ah
Hadba waxa l a ii qoray
Quud aan ku helayaa
Qabyaaladu siday tahay
Marmarbaan yar quutaa
Nabadbaase ii quban.

Waxan ahay qof kugu biday
Wanaag qaybihiisoo
Jecel qaylo dhaantaa
Waxan ahay qaloociyo
Qarfo iyo dhibaatiyo
Qabyo nolol ahaatiyo
Jabka qaybiihiisiyo
Maskax layska quudhsado
Nin qaraar ka joogoo
Quus ka tagaanbaan ahay,

Qaybsigeed aduunyada
Adigaa u qiil furay
Immisaa ninquusoo
Kibir iyo qab weynaa
Maalintuu qoraal helay
Uqushuucay noloshoo
Qunyar socod ku dhiiraday,

Immisaa dal qiiqoo
Baaruudu qaraxdoo
Qayladu dayaantoo
Qolo qolo ishaystio
Laysku qaatey waramada
Qoraal lagu fadhiisiyay,

Bi,I waaye qaliyahow
Qofnimadu la,aantaa
Qasad iyo ujeediyo
Qiimo may lahaateen
Noloshana qiyaasli,i
Qaran lama ahaadeen
Maalmaha qoraalkiyo
Taariikhda kala quban
Looma qeyb samaysteen
Faa,iidiyo qasaaraha
Qanac laguma yeesheen
Qudha ruuxa kii jaray
Looguma Qisaaseen
Dadku qaafilnimadana
Qiil umuu sameeyeen
Qaadir uunka uu dhigay
Qoomba qoom xag kale jira
Quudhsi kuma tilmaameen
Qubanaha culuumtana
Jaahil kuma qaloodeen
Qiimaha tacliintuna
Qani may ahaateen
Anna kumaba qaateen,

Balse qiiradaydani
Ku qofeeyey maantoo
Noloshana qorshaystee
Mar hadaanad qolo galin
Qabiil iyo dad gaarana
Qiimahooda muunayn
Taydana bal qayd oo
Qaraar gaadhay maantee
Adna hay qasaarine
Qayrkay igaadhsii.