Maxamuud Maxamed Yaasiin “Dheeg”

Share on facebook
Share on twitter
Share on print
Share on email

Gabayada Abwaanka oo idil Maxamuud Maxamed Yaasiin “Dheeg”

Sida Canabka Beeraha

Sida canabka beeraha
Ama kayn caleen liyo
Dhul cagaar ku simanyay,
Caad iyo Gar-Loo-Gubay
Cosobkii ku yaalloo
Cawshu gaardiyaysoo
Cidi daaqin baad tee.
Cawo waxaa lee
Ama ciil bixi lahaa,
Calaf nimuu ku siiyoo
Cunto kula wadaagoo
Deedna kula caweeysaa.
Cirka oo daruur liyo
Casar hogol darroortiyo,
Cadceed subax la-moodyow!
Waxaad iila cayn tahay,
Dayaxoo cawayskii
Carrigoo mugdi ahaa
Dhulka wada caddeeyee.
Cawo waxaa lee,
Cadraddii nasiib iyo
Calaf kuu aroostee
Carruur kuu xambaartee
Gogol kula cayaartaa.
Cabbaadhyaha korkaagiyo,
Cududaha ku yaalliyo
Caaddilkii ku uumaa
Qurux cayn la doonaba
Inanyahay tin iyo cidhib
Cadka kuu dhammeeyoo
Ceeb kaa ilaashee.
Cawo waxaa lee
Ama ciil bixi lahaa,
Calaf nimuu ku siiyoo
Cunto kula wadaagoo
Deedna kula caweeysaa.
Adba wiil codkar ahoo
Cilmi iyo aqoon loo,
Caaqil taliya baa tee
Mid aan caawa kula simo
Ifka cagaha soo dhigey
Cidi sheegi maysoo
Aduun bay cejebiyee.
Cawo waxaa lee,
Cadraddii nasiib iyo
Calaf kuu aroostee
Carruur kuu xambaartee
Gogol kula cayaartaa.
Sida ciidda weynoo,
Curubtiyo dhalliintii
Isku soo caddeeysoo
Golihii cayaaraha
Caweyskii isugu timi
Carfigiyo udgoonkana,
Caynkoodii baad tahay.
Cawo waxaa lee
Ama ciil bixi lahaa,
Calaf nimuu ku siiyoo
Cunto kula wadaagoo
Deedna kula caweeysaa.
Amba caashaqaagii
Waakan igu cuslaadee
Aan ka ciidmi waayee,
Sidaan kuu calool rabo
Caad kaama saarnoo
Amba caato iyo wayd
Caday waan ka dhuubtaye.
Cawo waxaa lee,
Cadraddii nasiib iyo
Calaf kuu aroostee
Carruur kuu xambaartee
Gogol kula cayaartaa.

Maxamuud Maxamed Yaasiin “Dheeg” war dheeri ah

Raadi